ບໍລິສັດວຽງຈັນເຊັນເຕີລາວມະຫາຊົນ

ບໍລິສັດ ວຽງຈັນເຊັນເຕີ ລາວ ມະຫາຊົນ ສ້າງຕັ້ງຂຶ້ນຢ່າງເປັນທາງການໃນວັນທີ 30 ພະຈິກ 2017 ໂດຍບໍລິສດພັດທະນາສູນເສດຖະກິດການຄ້າຄົບວົງຈອນໜອງຈັນຕ່ອນເໜືອຈຳກັດທີ່ຮ່ວມກັນສ້າງຕັ້ງຂຶ້ນລະຫວ່າງກຸ່ມບໍລິສັດກໍ່ສ້າງລົງທຶນແລະ ຖືຮຸ້ນແຂວງຢຸນນານ ຈຳກັດ ແລະ ກຸ່ມບໍລິສັດ ກຣິດຕະພົງ ຈຳກັດ. ບໍລິສັດໄດ້ສຳເລັດການຈົດທະບຽນໃນຕະຫຼາດຫຼັກຊັບລາວຢ່າງເປັນທາງການໃນ ວັນທີ 31 ພຶດສະພາ 2019 (ຊື່ຫຼັກຊັບ“VCL”), ທຶນຈົດທະບຽນໃນປະຈຸບັນແມ່ນ 147,199,900,000 ກີບ.

ກິດຈະການຫຼັກຂອງບໍລິສັດແມ່ນພັດທະນາອະສັງຫາລິມະຊັບສະເພາະດ້ານປະເພດອາຄານເພື່ອໃຫ້ເຊົ່າ-ຂາຍ,ທຸລະກິດຂອງບໍລິສັດວຽງຈັນເຊັນເຕີລາວມະຫາຊົນປະກອບດ້ວຍການເກັບຄ່າເຊົ່າພື້ນທີ່ໃນສູນການຄ້າວຽງຈັນເຊັນເຕີແລະຫັກເອົາເປີເຊັນຕາມຍອດຂາຍເປັນຄ່າບໍລິຫານສູນການຄ້າ,ການຈັດງານວາງສະແດງເຊິ່ງເປັນກຳມະສິດພ້ອມທັງບໍລິຫານພື້ນທີ່ວາງສະແດງດ້ວຍການເກັບຄ່າເຊົ່າ,ການເກັບຄ່າເຊົ່າປ້າຍໂຄສະນາ, ການເກັບຄ່າເຊົ່າສຳນັກງານຫ້ອງການ.

ໂດຍຜ່ານການສ້າງເປັນແບຣນຂອງຕົນ  ເພີ່ມປະສິດທິພາບໃນວຽກງານການບໍລິການ ປັບປຸງຮູບແບບການດຳເນີນທຸລະກິດ, ສູນການຄ້າ ແລະ ສໍານັກງານຫ້ອງການໄດ້ດຶງດູດທຸລະກິດທີ່ມີຊື່ສຽງເຊັ່ນທະນາຄານແຫ່ງ ສປ ຈີນ, ຮ້ານກາເຟອາເມຊອນ,ຮ້ານມິນິໂຊ,ຮ້ານກະແລ້ມDQ, ແລະວິສາຫະກິດຕ່າງປະເທດຂະຫນາດໃຫຍ່ ເຊັ່ນບໍລິສັດລົດໄຟລາວຈີນ, ບໍລິສັດໄຟຟ້າເກົາຫລີ, ບໍລິສັດ ປະກັນໄພພຣຸເດັນໂຊ ໄດ້ເຂົ້າມາເຊົ່າພື້ນທີ່ຮ້ານຄ້າ ແລະ ອາຄານສຳນັກງານຂອງບໍລິສັດ ວຽງຈັນເຊີນເຕີ ລາວ ມະຫາຊົນ. ມາເຖິງປະຈຸບັນ ວຽງຈັນເຊີນເຕີ ໄດ້ສ້າງເປັນສູນກາງການຄ້າ ສູນກາງສຳນັກງານ ສູນກາງທາງດ້ານການເງິນ ແລະສູນກາງການຈັດງານວາງສະແດງສິນຄ້າໃນລາວ, ເປັນແບຣນສູນການຄ້າອັນດັບໜຶ່ງຢູ່ລາວ ແລະ ຕົວແບບການຮ່ວມມືຂອງລັດຖະບານສອງຊາດລາວ ຈີນ.